Es Game wo au du chasch mitrate. Unverfälscht und real. Aber lueg doch selber ine!
Videos entdeckeGuess was? De Satz hemmer i de letzte Paar Mönet immer wider ghöört. Es handled sich bi eusem Guess Who um es Realitygame. Was isch jetzt es Realitygame? Es isch es Game wo mit reale Persone stattfindet und vor de Kamera gspielt wird, debii isch de Inhalt vom Game a ere Reality-TV-Show aaglehnt. Eus isches wichtig xii, dass euses Projekt i de wirtschaft au iigsetzt chan wärde. Derum hemmer churzum es Marketingteam aagfregt, öb mer für sie chönnd die Videos erstelle.
S ganze gaht so: verschiedeni Studente, wo ade FHGR studiered und sich nöd kenned probiered vo irne Kommilitone und Kommilitoninne ei bestimmti Sach usezfinde. D Videos hend vorallem en Unterhalterische Charakter und de Zueschauer chan de Vibe vo de FHGR gspüre, daher hend die Videos au noch en versteckte Marketing-Aspekt, ganz im Sinn vo: The best marketing doesn’t feel like marketing. Hesches checkt? Denn gang der die Videos go inezieh!
Für zum sich im Studium über Wasser z phalte derf öppis nöd fehle, und zwar Snacks. Jede Student und jedi Studentin bsitzt ihren/siin eigene Lieblingssnack. De Marc hed sich versuecht zum de Lara, am Severin und de Monia ihren to-go Studentesnack usezfinde. Aber zapp doch selber is Video ine!
Wer studiert echt wele Studiegang ade FHGR? De Nicolas hed sich getraut zum sini Gspändli vode FHGR gnaustens unter d Lupe z neh und mittels gschickte Frage usezfinde was sie studiered. Doch de Dennis, d Büsra sowie au de Wilson und d Marion hends ihm gar nöd so eifach gmacht. Aber zapp doch selber is Video ine!
Wemmer viel Ziit mitenand verbringt, chan au mal die einti oder anderi peinlichi Situation während em Studium passiere. Doch wem isch gnau welli Situation passiert? Dere Frag isch d Lara nachegange und hed mittels verschidenste Frage d Erläbnis vo de Jana, em Mariano sowie vom Marc und em Nicola probiert z errate. Aber zapp doch selber is Video ine!
Die beide Gsichter hinder de ganze Guess Who Reality-Game Gschicht sind d Viviane und d Riona. Gern zeiged mir dir d Entstehigsgschicht vo de ungschliffene Idee bis zu dene Videos wo du obe xeh hesch. Mir redet drüber was es alles bruucht hed zum es so es grosses Projekt ufd Bei stelle und welli Hürde mir hend müsse überwinde. Aber zapp doch selber is Video ine!
Wettsch wüsse wies im Hintergrund vo eusne Drehs uusxeh hed? Denn hemmer für dich no es Behind-the-scenes Special parat:
Ah und übrigens: mir sind im Radio choo und hend derffe übers Projekt rede. Gang da go inelose:
Damit die Videos au sicher gnueg Lüt lueged hemmer no drü cooli Teaser-Format erstellt. So chan s Marketing vode FHGR die ganzi Social-Media Wält glustig uf eusi Videos mache. Du wöttsch die Teaser au no xeh? Denn zapp ine!